Sabom
artesanal = auga + aceite+ sosa caustica (NaOH)
Nom
sendo que sigamos receitas pré-elaboradas e experimentadas por
outras pessoas de confiança, a elaboraçom do sabom começa pola
formulaçom da receita. Mesmo no caso de seguir umha receita, nom
está demais manejar alguns conceitos básicos que nos permitam
comprovar que a receita está bem formulada, evitando assim que no
resultado final se derem alguns desfases de cálculo que podem chegar
a fazer o nosso trabalho inútil. Muitas receitas que se topam em
internet, que rulam entre as amigas, etc, contem erros facilmente
evitáveis com só um pequeno esforço inicial na aprendizagem da
elaboraçom de sabons, que a médio prazo e, com um pouco de
experimentaçom, permitiram-nos elaborar uns sabonetes de alta
qualidade, durabilidade e beleza. Em resumo, trata-se de aprender a
utilizar três simples indicadores: o valor de saponificaçom, o
índice de iodo e o INS. A partir de aqui, todo em maos da
experiência, da criatividade e da imaginaçom. Imos lá!
A
escolha dos aceites ou manteigas
O
índice de Iodo (IY)
Em
primeiro lugar imos pensar nos aceites a partir dos quais imos
elaborar o sabom, e para isto devemos atender às propriedades dos
diferentes ingredientes e a durabilidade da nossa receita. A questom
a ter em conta é que o sabom pode enrançar polo deterioro dos
aceites que o compom, e que nom todos os aceites tem a mesma
resistência frente ao passo do tempo. Para prever isto, imos atender
ao grado de insaturaçom das graxas que utilizemos na receita, que
vem reflexada polo índice de iodo (ver táboa 1). O índice de iodo
indica a quantidade de iodo que absorve um composto, a qual vai em
funçom da in-saturabilidade do mesmo; polo tanto, indica-nos o grado
de insaturaçom de umha graxa e quanto mais alto seja este, mais
probabilidades teremos de que se nos enrance o sabom. É, polo tanto,
um indicador da durabilidade: A hora de seleccionar umha mistura de
aceites para elaborar um sabom (ou qualquer outro preparado
cosmético), deveríamos ter em conta que o seu índice de Iodo nom
fosse superior a 70.
*Indice
de Iodo > 70 ; propenso ao enrançamento!
Como
calculamos o Índice de Iodo numha receita?
Imaginemos
que queremos fazer um sabom com as seguintes proporções de graxas:
coco (15%), améndoas (30%), girassol (5%) e oliva (50%).
Atendendo
as cifras que nos indica a tábua, calculamos o Índice de Iodo da
média, do seguinte jeito (seguimos a ordem de arriba, multiplicando
cada percentagem polo Índice de Iodo de cada
graxa):
(0.15*7)+(0.30*99)+(0.05*133)+(0.50*82) = 1.05 + 29,7 + 6.65 + 41 = 78,4
(0.15*7)+(0.30*99)+(0.05*133)+(0.50*82) = 1.05 + 29,7 + 6.65 + 41 = 78,4
Neste
caso, como o nosso índice nos mostra, estamos por cima do límite
seguro e cumpriria variar a fórmula. Como regra geral, devemos
tentar manter um equilíbrio na proporçom entre os aceites com baixo
(<70) e alto (>70) índice de Iodo, aproximadamente um 40-60%.
No nosso exemplo, os azeites com IY superior a 70 som o 85% da
fórmula.
Observa
que estamos a utilizar percentagens. Se calculamos o nosso sabom
partindo do peso dos aceites, compre calcular a percentagem de cada
aceite para poder operar com o índice de iodo.
Exemplo:
Queremos elaborar um sabom com a seguinte quantidade de graxas:
90
g de coco, 180 de améndoas, 30 g de girassol e 300 g de azeite de
oliva.
Convertermos
estas cifras em %. O total das nossas graxas é 600 g. Entom:
Coco
90g * 100/600= 15%
Améndoas
180 g *100/600= 30%
Girassol
30 g * 100/600= 5%
Oliva
300 g * 100/600= 50%
Estamos
no caso do nosso exemplo anterior!
Aliás,
o equilíbrio que procuramos
a hora de fazer o nosso sabom nom só atende a durabilidade. Um sabom
elaborado só com graxas saturadas poderia durar a vida inteira
mas… imaginades um sabom
elaborado só a partir de manteiga de cacau? Como também temos em
conta outras qualidades como
a dureza, a espuma, o poder de limpeza, o acondicionamento da pele,..
compre procurar um equilíbrio: que o nosso índice de Iodo nom se
situe por baixo do 40!
Se
observamos a tábua, e generalizando, podemos ficar com a ideia de
que os aceites saturados, menos propensos a enrançar, som geralmente
graxas (sólidos a temperatura ambiente), enquanto que os
in-saturados som os que presentam um estado líquido. Para os
primeiros, em geral, o índice de iodo situa-se entre 5 e 50, e
aportam dureza, estabilidade e espuma a umha fórmula. Os azeites
in-saturados apreciam-se principalmente na elaboraçom do sabom polas
suas propriedades para a pele, aportando suavidade e cuidado.
Por
último, o índice de iodo é um indicador, que nos dá umha ideia do
resultado que podemos obter, mas que nom contempla todas as variáveis
em jogo enquanto a conservaçom do sabom, onde vam intervir outros
factores como os ingredientes utilizados, o processo escolhido, o
cuidado no secado, a higiene, temperatura, e outros factores na
conservaçom,.. Por isso que também nom nos estranhe topar sabons
100% oliva que, com um índice de iodo de 82, mui por cima do
recomendável, se tem sido bem elaborado, pode-nos surpreender com a
sua conservaçom ao longo do tempo.