Partindo
da quantidade de aceite que queremos utilizar, devemos calcular a
quantidade de soda que necessitamos. Para isto necessitamos ter a mao
umha tábua com os índices de saponificaçom como a da tábua 1.
Calcular correctamente a quantidade de soda é mui importante, porque
o seu excesso pode fazer que fique soda sem saponificar, que irá
parar a nossa pele, como o seu defeito afectará a correcta
durabilidade e limpeza do sabom.
Valor
de Saponificaçom (SAP)
A
quantidade de soda calcula-se multiplicando a quantidade de aceite,
medida em gramas, polo índice de saponificaçom. Assim obtemos o
valor de Saponificaçom.
Ex.
Queremos formular um sabom que pretendemos elaborar com 300 gr de
aceite de oliva e 70 de coco. Quanta soda necessitamos?
Oliva:
300 x 0,135 = 40,5
Coco:
70 x 0,191 = 13,37
40,5+13,37=53,87
g de sosa = SAP
Sobre-engraxado
Este
seria um sabom no que todos os ácidos lípidos do aceite se
saponificam. Neste caso diz-se que tem um 0% de sobre-engraxamento.
Mas este tipo de sabons som mais bem utilizados para a limpeza do
fogar, porque nos sabons cosméticos interessa-nos que fiquem ácidos
lípidos livres para a hidrataçom da pele. Para isto, diminuiremos a
quantidade de soda caustica, para que fique aceite sem saponificar, o
que aportará maior emoliéncia e hidrataçom e evitará o risco de
que o sabom fique com soda demais. Para os sabons corporais o índice
de sobre-engraxamento situarem-mo-lo entre o 5-10 %, segundo a
preferência de cada quem. Isto, traduzido a nossa fórmula, implica
restar um 5-10 % a quantidade de soda obtida na fórmula original.
O
sobre-engraxado implica também um risco, já que, ao haver parte do
aceite nom saponificado, tem maior possibilidade de estragar-se,
seguindo os critérios que vimos no apartado anterior. Do mesmo
jeito, este risco pode diminuir-se engadindo vitamina E.
Ex.
Para que o nosso sabom ficasse com um 5% de sobre-engraxamento,
quitaríamos um 5% de soda caustica
Cousas:
*O
sobre-engraxado proporciona maior quantidade de espuma se é baixo e
menor se é mui alto.
*A
maior sobre-engraxado obteremos um sabom mais brando.
*Se
o que temos é umha tábua que indica o índice de saponificaçom
para quantidades de hidróxido de potássio (KOH), convertemos o seu
valor equivalente para soda caustica (NaOH) dividindo entre 1,4025.
*Pode-nos
ser de interesse a hora de formular as nossas receitas atender ao que
se conhece como valor INS. Calcula-se:
Valor
de saponificaçom (SAP) – Indice de Iodo = Valor INS
Um
INS baixo indica um aceite brando e propenso ao enraizamento, mais
alto, mais duro e limpador. Estabelece-se que um bom equilíbrio
ronda os 130-160.