Para calcular a quantidade de auga que necessitamos temos que atender ao que se conhece como concentraçom da lixívia, quer dizer, a mistura de auga e soda caustica. A concentraçom fai referência à percentagem de soda que há na lixívia. Assim, umha concentraçom do 30% implica que a nossa lixívia tem um 30% de soda frente a um 70% de auga.
Na
prática, umha vez calculada a soda caustica que necessitamos,
aplicaremos umha regra de três, segundo a concentraçom que tenhamos
escolhido, para calcular a auga, seguindo esta fórmula
(Concentraçom=C):
g.
de soda---------------- C
g.
de auga---------------- 100 – C
Por
exemplo, se temos umha fórmula na que necessitamos 110 g de soda, e
queremos umha concentraçom do 28%, teríamos que resolver a seguinte
fórmula:
110g.
de soda-------------28
x
g. auga--------------------100-28=72
x=
110*72 / 28 = 282,85 g de auga
A
concentraçom virá determinada por:
-O
tipo de aceites: Os aceites mais duros precisam dumha maior
quantidade de auga (menor concentraçom) que os brandos, e
vice-versa.
-O
manejo da traça. As concentrações baixas (mais auga) utilizam-se
para poder trabalhar com a traça sem que se endureça rápido, por
exemplo se queremos fazer remoinhos, separar a traça para tingir em
várias cores, etc. Nestes casos utilizaremos concentrações entre o
28-34%
A
partir do 35% consideram-se concentrações altas. Existem formas de
preparar sabom que utilizam concentrações de auga mui altas, como o
sabom de Castela (40-50%). A auga vai ter que desaparecer por
completo do sabom no processo de curado polo que devemos ter em conta
que o nosso sabom pode minguar muito de tamanho se utilizamos umha
proporçom de auga elevada.
*Para
começar e nom complicar-nos neste ponto, podemos seguir a norma:
Q.
de auga = 1/3 da quantidade de aceite utilizados
Sempre podemos aumentar umhas gramas de auga se a receita leva mais manteigas ou ceras duras, e ao contrario com aceites brandos.