As
tinturas de plantas medicinais possuem umha série de vantagens que
as fai interessantes frente a outros preparados como som a sua
durabilidade, concentraçom, a possibilidade de utilizar planta
fresca,.. é bom recurso quando temos pouco tempo, pouca ajuda e/ou
pouca energia.
Elaboraçom:
-
Preferencialmente plantas frescas, o qual acurta a vida útil da
tintura, mas aporta qualidades enquanto as propriedades do produto
final; devemos garantir que a planta esteja limpa e seca, lavando-a
se for necessário. Utilizaremos plantas silvestres apanhadas em
zonas “limpas” ou plantas cultivadas de jeito orgânico para
evitar restos tóxicos no produto final.
-
Utilizaremos álcool de um mínimo de 40º. O uso tradicional na
Galiza foi o da canha, obtido da destilaçom do bagaço de uva, mas
podemos usar outros similares como brande, rum, etc. entre os que
recomendaríamos o vodka por ser o mais neutro. As maiores graduações
(70º, 96º) preferem-se para a extracçom de partes mais duras e
garantem umha maior durabilidade se utilizamos planta fresca. Temos
que comprovar que sejam álcoois aptos para consumo interno. O
clássico da farmácia podemos utiliza-lo se o resultado final vai
ser para uso externo, mas nunca para consumo interno.
Receita:
100
gr planta fresca / 40-50 pl. seca
½
l de álcool
Esta
receita corresponde aproximadamente a quantidade da planta fresca
picada, colocada num bote ancho e coberta de álcool, que é a
receita tradicional mais habitual. Como norma geral, macerar durante
umha lua minguante (de umha a três semanas), num lugar cálido à
sombra, agitando o recipiente diariamente e observando que a planta
fique coberta de álcool. Ao cabo deste tempo, compre filtrar a
mistura, espremendo bem a planta para aproveitar toda a tintura.
Podemos usar coladores de teia, filtros de papel, panos
esterilizados, etc.
-Compre
conservar as tinturas em garrafas de vidro escuro ou bem resguardadas
da luz. Devemos etiquetar minuciosamente, atendendo a detalhes como a
composiçom (erva, estado da erva, procedência), receita e data,
lua, tipo de álcool,.. que podam ajudar-nos a melhorar as nossas
receitas num futuro.
-”Caducidade”.
O tempo de vida da nossa tintura vai depender de diversos factores:
se a planta utilizada era fresca ou seca, a graduaçom do álcool, as
condições de conservaçom. Podemos atender as seguintes normas:
.
As tinturas elaboradas com planta seca som fiáveis até os 5 anos,
conservadas em condições óptimas (longe da luz e do calor, em
contentores apropriados)
.
A durabilidade das tinturas com planta fresca é mui relativa ao
tipo de planta, a parte utilizada, a graduaçom do álcool, tendo em
conta que sempre som melhores conservantes as graduações mais
altas.
.
Se observamos qualquer defeito imprevisto na conservaçom, como a
apariçom de mofo, devemos descartar a medicina.
Uso
interno
Temos que
ter em conta que umha tintura é um concentrado muito activo das
virtudes das plantas, o que as converte num medicamento mui eficaz,
mas que podem resultar tóxicas se se sobre-passam as doses. Compre
estar atentas às indicações sobre toxicidade de cada planta,
sabendo que umha tintura vai ter maior potencial de toxicidade ao ser
um concentrado.
Se é a
primeira vez que imos utilizar determinada alcoolatura recomendamos
começar com umha dose mínima, de 3-5 gotas durante as primeiras 2-3
tomas, e ir aumentando a dose paulatinamente.
A dose
média recomendada está entre as 20-25 gotas, três vezes ao dia,
mas pode oscilar dependendo da planta. Antes de utilizar umha
alcoolatura, devemos informar-nos sobre a toxicidade da planta e a
compatibilidade com a nossa situaçom (especialmente se somos
hipertensas, se tomamos outra medicaçom, etc) Podemo-las tomar
diluídas em auga, sumo, infusom,… O álcool evapora-se a partir
dos 65º, se diluímos a tintura em auga quente podemos evaporar
parte do álcool que contem, e ficaremos com os princípios activos
da planta na nossa tisana.
As
indicações para as tinturas som as mesmas que para a planta em
outras preparações (infusom,..), também em quanto a sua
toxicidade.
Uso
externo
Podem-se
utilizar directamente sobre a pele ou diluídas em auga, infusom,
vinagre; em compressas, banhos, gargarejos; como ingrediente de
outras fórmulas (pomadas, unguentos, cosméticos,..)
*Hai
que ter em
conta
que se empregamos
ervas
frescas a graduaçom
da tintura reduz-se
nuns
15-20 grados.