O primeiro que
necessitamos para fazer um sabom é um molde. Podemos botar mao dos
moldes de silicona para fornear bolos, bolachas e biscoitos, mas se
queremos fazer sabom em quantidade, experimentar com desenhos e
aplicar diversas técnicas como as dos remuinhos (swirl), imos
necessitar outro tipo de moldes. Podemo-los comprar de diversos
materiais, mas aqui vou-vos dar diferentes ideias que tenho
experimentado, baratas e que dam bons resultados.
O mais fácil: o
tetabrik
De seguro que temos
muitos a mao, e é tam singelo como lava-los bem e corta-los ao
gosto. Nom necessitaremos nada mais, bom, sim, uns soportes laterais
para que o tetabrik nom se deforme com o peso do sabom e nos fique
barrigudo. Umha vez que o sabom está duro (24-48 horas logo de
elabora-lo), retiramos o tetrabrik e para o lixo.
A modo de exemplo,
este é um sabom elaborado com a técnica de remuinhos ocultos
realizada com um tetabrik. Em primeiro lugar cortamos o tetrabrik,
neste caso abrindo umha das caras laterais. Para que nom fiquem as
marcas dos pliegues que o cartom do leite tem na base e na cara
superior, recortei um par de pedaços do mesmo material e coloqueinos
nos laterais. Também umha outra cara de outro tetrabrik para dividir
o molde em dous, como se vé na foto:
Colocando o molde
entre dous tijolos, figem este sabom, que ficou com esta pinta:
E umha vez cortado,
assim:
Como vedes na foto,
o sabom ficou curvo na base, mesmo com os tijolos apertando o molde.
Como nom gostava do resultado, recortei os sabonetes, ficando assim:
Este é um dos
maiores problemas que topo no tetabrik, que é mui dificil conseguir
que os sabonetes fiquem com os cantos bem dereitinhos e os ángulos
bem debuxados, que é o resultado do que eu mais gosto. Se
necessitamos recortar as beiras dos sabons umha vez elaborados, para
além do delicado do trabalho se carecemos de material adequado,
também suporá umha perda considerável de material, que pode ser
evitada com outro tipo de moldes. Tenho utilizado o tetrabrik com
várias técnicas, mas sempre sucede isto, polo que devemos te-lo em
conta.
Trabalho em
tetrabrik de remoinhos livres
Aliás, sim tenho
gostado do resultado trabalhando com o processo em quente (hot
process), no que nom utilizo estas técnicas de desenho, pois nom o
permite o método de elaboraçom. Nestes casos utilizo o tetrabrik
cortado pola cara superior e, simplesmente, encho-o com o sabom, para
que o molde-e enquanto enfria.
Como vedes, umha vez
cortado, o sabom tem os cantos arredondados, ficando assim com um
efeito rústico que, ademais, combina mui bem com o caracter de estes
sabons (prometo tutorial!)
Assim que o sabom
pode ficar estupendo em tetrabrik, sempre que nom queiramos aplicar
técnicas de desenho mui elaboradas, trabalhar com diferentes cores,
etc. Mas para o sabom mais natural e para iniciar-nos na elaboraçom
caseira de sabons, é o molde perfeito. A saponificar!