1º)
Picamos a erva finamente ou machucamo-la num almofariz, ou mesmo a
podemos triturar se é erva seca.
2º)
Colocamo-la num tarro de vidro e cobrimos de aceite.
3º)
Deixamos macerar num lugar cálido e com luz suave de 2 a 6 semanas.
Nalguns casos recomenda-se macerar ao sol, como o aceite de hipérico.
Compre agitar regularmente.
4ª)
Filtrar com umha tela de algodom ou um filtro de papel.
5ª)
Conservar num lugar escuro e fresco.
*Receitas
de urgência*
-Quentar
a planta ao lume em aceite 10 min, ou até que perda a humidade.
Repousar 2-3 dias e filtrar.
-Pôr
a banho maria suave a mistura de planta e aceite durante 2-3 horas.
Repousar umha noite, quentar de novo e filtrar.
*O
mais habitual é que os aceites se preparem para utilizar por via
externa, em massagens, preparados cosméticos,.. mas também se podem
utilizar por via interna, nalguns casos com excelentes resultados,
como o aceite de hipérico para as úlceras estomacais. Nestes casos
toma-se 1 colherada antes das comidas.
*
A hora de escolher o aceite que imos utilizar para elaborar o nosso
aceite medicinal, devemos ter em conta que:
-se
queremos prolongar a conservaçom do preparado, devemos escolher
aceites pouco susceptíveis de oxidações. Se o nosso aceite oxida
com facilidade, podemos tentar melhorar a sua conservaçom engadindo
vitamina E.
-o
potencial extractivo de princípios activos varia de uns a outros
aceites dependendo de quanto mais alto seja o número de insaturaçoes
do aceite. Assim, de mais a menos extractivo: girassol, soja, sésamo,
oliva, milho, amêndoas.
Um
caso especial é o do aceite de oliva, que presenta enorme afinidade
com o sebo humano, o qual faz dele um excelente transportador de
princípios, o que somado com a sua boa capacidade extractiva e a sua
resistência à oxidaçom, faz dele um bom candidato para a
elaboraçom de aceites medicinais.
Por
último, hai aceites que se usam tradicionalmente em determinadas
receitas, como o aceite de oliva na elaboraçom do aceite de
hipérico. A afinidade deste aceite com a hipericina-hiperforina que
extraemos da planta justificam esta práctica milenária.
-Pomadas, bálsamos
ou Unguentos: Dissoluçom em substancias graxas: vaselina,
aceite e cera, lanolina, graxa animal,..
1) Aquecemos a lume lento a
graxa com a erva, até dilui-la por completo. Deixamos repousar umha
noite e repetimos de manhá. Umha vez disolto por segunda vez,
filtramos e embotamos.
2) A partir de um aceite medicinal (100 ml),
engadir (15 gr) de cera de abelha. Quentar até que se dissolva,
remexer bem e verter em tarro. (Na foto, bálsamo de hipérico)